Zəngin mədəniyyəti və əlverişli coğrafi mövqeyi olan, məhsuldar torpağı ilə seçilən Laçın rayonunun işğaldan azad edilməsi Qarabağ regionunun bütün sahələr üzrə yeni keyfiyyətdə bərpası və inkişafın üçün xüsusi əhəmiyyət kəsb edir.

Dövlət səviyyəsində bütün həyət, təsərrüfat və xidməti sahələrinin bərpası üzrə uzunmüddətli strateji xətt və planlaşdırılma işləri çərçivəsində rayonun inzibati mərkəzi olan Laçın şəhəri də daxildir. Təqdim olunan konseptual layihə şəhərin baş plan həllinə əsasən cənub-qərb hissəsində yerləşən və 16.3 ha sahəni əhatə edən məhəllənin yeni simasını nümayiş etdirir.

Ərazidə müasir tipli yaşayış məhəlləsi və şəhər sakinlərinə xidmət göstərən idman kompleksinin yerləşdirilməsi nəzərdə tutulub. Konsepsiyada binaların memarlıq kompozisiya həlli, hündürlüyü, yerləşməsi, ərazinin relyefi, demoqrafik tələblərini, sosial, məişət və sanitar xüsusiyyətlərini nəzərə alaraq hazırlanıb.

Məhəllədən nəqliyyat və kommunikasiya xətlərinin çəkilməsi, ərazinin yaşıllaşdırılması, sosial və ictimai obyektlərin inşası ilə birgə yaradılan infrastrukturun gələcəkdə məskunlaşacaq əhalini dayanıqlı ətraf mühitilə təmin etməsi nəzərdə tutulur.   

Layihələndirilən ərazi           16.3 ha

Əhalinin sayı                           1 630 nəfər