Muradxanlı kəndi dağətəyi ərazidədir. Yaşayış məntəqələri keçmişdə yayı Zəngəzur qəzasında, qışı isə Qarabağ­da keçirmiş təklə tayfasının muradxanlı tirəsinə mənsub ailələrin oturaqlaşaraq məskunlaşması nəticəsində yaranmış və həmin tirənin adı ilə adlandırılmışdır.

Rayon ərazisindən iki böyük dağ çayları olan Həkəri ilə Bərgüşad keçir. Həkəri çayı öz mənbəyini Kəl­bəcərdən götürüb. Araza qovuşa­na kimi bir çox dağ çayları ona qovuşur. Bərgüşad çayının mənbəyi isə Ərikli dağlarından başlayır. Bərgüşad gücünü dağ bulaqlarından süzülüb gələn Dəli çay, Şəki çayı, Taxtakörpü çayı, Daşlı dərə çayı, Bəxtiyarlı və Ağa çaylarından alır. Bərgüşad çayı da Həkəri çayı kimi Araza tökülür. Hər iki çay rayonun Qaralar kənd­inin yaxınlığında birləşir. Rayonun bir hissəsi aran olsa da, əsas hissə­si dağlıqdır. Dağlıq yerlər meşə örtüyünə bürünmüşdür.

Layihələndirilən ərazi          125.83 ha

Əhalinin sayı                         2 094 nəfər